ONLY KIDS ALOUD
Alumni Only Kids Aloud
Pan ddaw eu hamser yn Only Kids Aloud i ben, gall yr aelodau ymuno â’n carfan gynyddol o Alumni er mwyn cadw mewn cyswllt ag Elusen Aloud.
Cafodd Elusen Aloud y fraint o weithio gyda miloedd o blant dros y blynyddoedd drwy raglenni Only Kids Aloud ac mae’n hyfryd pan mae cyn-gyfranogwyr yn cadw mewn cyswllt â ni, ac â’i gilydd.
Yn 2020, fe wnaethom ni ddatblygu Cynllun Alumni OKA, gan roi’r cyfle i gyn-aelodau barhau â’u perthynas ag Aloud a chadw mewn cyswllt â ffrindiau OKA.
Pan fydd aelod OKA yn dod yn Alumni, bydd yn derbyn bathodyn pin arbennig i gofio am eu hamser gyda’r côr.
Manteision
Cael y newyddion diweddaraf am Aloud, digwyddiadau a pherfformiadau
Cadw mewn cyswllt â ffrindiau OKA
Cael eich cynnwys mewn cyfleoedd i gydganu yn y dyfodol
Ydych chi’n Alumni OKA?
Ydych chi wedi bod yn aelod o Gôr Only Kids Aloud, neu ydych chi’n gwybod am rywun a fu? Cysylltwch â ni heddiw i roi gwybod i ni. Fe fyddem ni wrth ein bodd yn cadw mewn cyswllt a’ch helpu i gynnal cyswllt ag Elusen Aloud.
“Roedd yn rhaid i mi ysgrifennu i ddiolch i chi i gyd am y profiad arallfydol a roddoch chi i fy merch. Mae hi wastad wedi bod wrth ei bodd yn canu ac mae ei hysgol wedi rhoi ychydig o gyfleoedd iddi wneud hyn, ond mae’r hyn a gafodd hi o fod yn rhan o Only Kids Aloud wedi bod ar lefel arall yn gyfan gwbl.”
“Mae’n anodd mynegi’r effaith mae gweithio’n agos gydag arbenigwyr fel chi, sydd â chymaint o angerdd a brwdfrydedd am gerddoriaeth a chanu, wedi’i chael arni. Mae ganddi fwy o hyder a chaiff hyd yn oed mwy o lawenydd o ganu, ac mae’n fwy parod i roi cynnig ar unrhyw beth newydd. Mae hefyd wedi elwa o gwrdd â phlant union fel hithau o bob rhan o Gymru a phrofi mor hudolus yw canu gyda chymaint o rai eraill sy’n dwlu arno gymaint â chi. Mae wedi gwneud cyfeillgarwch y credaf y bydd yn para am byth.”
CEFNOGWCH NI
Helpwch i gadw'r gerddoriaeth yn fyw
Cyfrannwch
Drwy gyfrannu heddiw, fe fyddwch yn rhan o stori Aloud, yn ein helpu i roi profiadau cadarnhaol a all newid bywydau i bobl ifanc ledled Cymru.
Ymaelodi â Chynllun Calon
Aelodau Calon sy’n cynnal curiad Elusen Aloud, ac maen nhw’n chwarae rhan allweddol yn ein llwyddiant.
Codi Arian i Ni
P’un a ydych chi eisiau rhedeg marathon neu drefnu eich her elusennol eich hun, gallwch helpu i gefnogi ein gweithgarwch yn eich ardal leol.
