Blynyddoedd 5-6
Only Kids Aloud
Mae Only Kids Aloud yn gorws i blant sydd ym mlynyddoedd ysgol 5&6 yng Nghymru.
Corws Only Kids Aloud
Prosiect blynyddol yw Corws Only Kids Aloud sy’n rhedeg yn barhaus am 12 mis y flwyddyn. Rydyn ni’n falch o groesawu tua 70 o blant i’r corws o bob cwr o Gymru bob blwyddyn. Mae nhw’n ymgeisio am eu lle ac yn mwynhau dysgu mewn ymarferion rhanbarthol a chyrsiau preswyl. Gan nad oes y fath beth â Chôr Plant Cenedlaethol Cymru yn swyddogol, mae OKA yn darparu profiad corawl o ansawdd uchel i blant o bob cwr o’r wlad.
Cafodd Corws Only Kids Aloud y cyfle i ganu mewn sawl digwyddiad rhyfeddol ers ei sefydlu yn 2010, gan gynnwys yn BBC Proms in the Park, ym mhantomeim CBeebies, ochr yn ochr â Bryn Terfel yn Cape Town a chyda Valery Gergiev yn St Petersburg.
Dechreuodd gweithgarwch Our Only Kids Aloud fel cyfres o weithdai mewn ysgolion cynradd ledled De Cymru. Ar ôl ambell brosiect llwyddiannus, datblygwyd y fenter ymhellach gan gydweithio â Chanolfan Mileniwm Cymru ac Ystad Roald Dahl. Gyda’n gilydd, crëwyd adnodd hyfforddiant ar-lein newydd sbon i athrawon, a phenllanw hynny oedd 4,500 o blant ysgol yn cydganu am dymor o gyngherddau dathlu. Arweiniodd hyn at ffurfio Corws OKA a sefydlwyd y côr i fod yn aelod newydd o deulu Aloud.
Rydym yn ddiolchgar iawn i Sefydliad Hodge am eu nawdd hael i Gorws Only Kids Aloud – hebddyn nhw, ni fyddai’r prosiect yn bodoli.
Pam ymuno â Chorws Only Kids Aloud?
Cynyddu Hyder
Mae Corws OKA nid yn unig yn rhoi platfform i’r plant, mae hefyd yn eu cyflwyno i blant o bob rhan o Gymru, yn rhoi’r cyfle iddyn nhw gydganu ac yn eu gwthio i weld eu potensial gwych eu hunain.
Synnwyr o Gymuned
Mae’r plant sy’n ymuno â Chorws Only Kids Aloud yn dod yn rhan o gymuned hyfryd a chefnogol o unigolion o gyffelyb fryd sy’n cefnogi ei gilydd, yn llonni ei gilydd ac yn helpu eraill i ffynnu.
Datblygu Sgiliau
Mae’r plant yng Nghorws OKA nid yn unig yn datblygu eu galluoedd cerddorol, maen nhw’n dod yn fwy hunangynhaliol ac annibynnol, yn datblygu gwell sgiliau rheoli amser ac yn dysgu cyfathrebu’n fwy agored ag eraill.
Clyweliadau Blynyddol
Gweithgareddau Preswyl
70+ o Aelodau
Merched a Bechgyn ym mlynyddoedd 5 a 6.
Alumni Only Kids Aloud
Ar ddechrau 2021, fe wnaethom ni lansio Cynllun Cyn-aelodau Only Kids Aloud. Bydd cyn-aelodau Only Kids Aloud yn derbyn yr wybodaeth ddiweddaraf am yr elusen a’n digwyddiadau, ynghyd â bathodyn pin arbennig Only Kids Aloud. Mae’n ffordd wych i gadw mewn cyswllt â phopeth yn ymwneud ag Aloud.
CEFNOGWCH NI
Helpwch i gadw'r gerddoriaeth yn fyw
Cyfrannwch
Drwy gyfrannu heddiw, fe fyddwch yn rhan o stori Aloud, yn ein helpu i roi profiadau cadarnhaol a all newid bywydau i bobl ifanc ledled Cymru.
Ymaelodi â Chynllun Calon
Aelodau Calon sy’n cynnal curiad Elusen Aloud, ac maen nhw’n chwarae rhan allweddol yn ein llwyddiant.
Codi Arian i Ni
P’un a ydych chi eisiau rhedeg marathon neu drefnu eich her elusennol eich hun, gallwch helpu i gefnogi ein gweithgarwch yn eich ardal leol.
Digwyddiadau Ar y Gorwel
Beth Sydd ar y Gweill?
“Diolch o galon am y cyfle hyfryd gafodd Iona i ganu gydag Only Kids Aloud. Roedd hi wrth ei bodd â’r profiad. Mae wedi bod yn fraint gweithio gyda staff ac aelodau mor dalentog. Bydd bod yn rhan o Only Kids Aloud yn cyfoethogi ei bywyd yn gyfan. Mae cael hwyl drwy gerddoriaeth wedi bod yn llawenydd mawr. Bu’r fath safonau uchel yn agoriad llygaid. Mae wedi gwneud ffrindiau a chanu’r holl ffordd adref.”
“Dim ond e-bost byr i ddiolch i bawb am gyngerdd cwbl ryfeddol ym Mae Colwyn nos Sadwrn. Fyddai dweud ei fod yn llwyddiant ddim yn gwneud cyfiawnder ag o. Gyda Katherine Jenkins a Lee Mead ar y poster, hawdd fyddai meddwl bod OKA yno i lenwi’r bylchau. Ond nid felly. Nhw dderbyniodd y gymeradwyaeth fwyaf, ac roedd y gynulleidfa ar ei thraed. Roedd y mur o sain a grëwyd ganddynt yn rhoi ias i lawr y cefn. Roedd wir mor dda â hynny. Llongyfarchiadau.”
“Hoffwn ddiolch i chi i gyd am helpu Joseph i ddatblygu fel canwr a pherfformiwr. Arferai fod yn fachgen bach swil yng nghysgod ei frodyr hŷn, ond mae hynny wedi newid erbyn hyn. Mae bellach ganddo angerdd at ganu a chydweithio fel tîm. All e ddim aros am ei antur nesaf gyda chi ac mae’n cyfri’r dyddiau hyd nes y caiff ymuno ag Only Boys Aloud fel ei frodyr. Fel rhiant, allaf i ddim pwysleisio ddigon mor bwysig yw profiadau fel nos Sadwrn ynghyd â’r broses ymarfer. Fel athro, mae’n destun balchder i mi bod fy nheulu’n chwarae eu rhan ar amryw gamau o broses Aloud, o ystyried y diffyg cyllid sydd ym myd addysg i’r celfyddydau a cherddoriaeth yn benodol.”
