Gweithgareddau Eraill
Yn ogystal â’n prosiectau craidd, rydym ni hefyd yn cynnal llu o weithgareddau canu eraill i bobl ifanc yng Nghymru. Rydym yn falch o’n partneriaethau ac wrth ein bodd yn dod o hyd i ffyrdd newydd i gyflawni prosiectau o ansawdd uchel i gynulleidfaoedd newydd.
Cyfansoddi gyda Phorthladd Aberdaugleddau
Sound UK
Aloud in Conversation
Prosiect Canu yn Japan
Only 'Fitzalan' Aloud
Roeddem ni wrth ein bodd o dderbyn cyllid gan Gyngor Celfyddydau Cymru i helpu ein prosiect Cydweithio Creadigol newydd sbon ac arloesol: ‘Only Fitzalan Aloud’!
Amy Wadge, cantores a chyfansoddwr caneuon, enillydd Gwobr Grammy a Llysgennad Aloud, aeth ati i gychwyn ar y fenter ganu a chyfansoddi dros gyfnod o 10 wythnos yn Ysgol Uwchradd Fitzalan yng Nghaerdydd.
Mae Ysgol Uwchradd Fitzalan yn gyfoethog o amrywiol; daw’r rhan fwyaf o’i disgyblion o gefndiroedd lleiafrifoedd ethnig, ac mae hefyd gan yr ysgol lefelau uchel o amddifadedd economaidd-gymdeithasol. Gan gydweithio rhwng tiwtoriaid Aloud a staff Fitzalan, nod y prosiect oedd cael cymaint â phosib o ddisgyblion i ganu a chreu gyda’i gilydd, gan ddefnyddio cerddoriaeth i sbarduno hyder, dyhead a pharch.
Prosiect Merthyr
Ysgol Gynradd Rhosyn Gwyn
Ein gweithgarwch diweddaraf fel rhan o Aloud in the Classroom oedd prosiect Rhosyn Gwyn. Gweithdy cyfansoddi a chanu oedd hwn i athrawon a disgyblion yn Ysgol Gynradd Rhosyn Gwyn yn Nhredegar Newydd.
Dyfarnwyd gwobr i’r prosiect, a bu’n llwyddiant mawr wrth roi profiadau gwerthfawr i bawb oedd ynghlwm ag ef.
Lovely Days
Gan weithio mewn partneriaeth â phedwar darparwr gofal, dan arweiniad Fforwm Gofal Cymru, daeth aelodau Only Boys Aloud o bob rhan o Gymru a phreswylwyr gofal lleol at ei gilydd fel rhan o brosiect Lovely Days. Canlyniad y prosiect oedd tri o ddiwrnodau ‘Lovely Days Out’ pan ddaeth aelodau’r gymuned, preswylwyr y cartrefi gofal ac aelodau OBA ynghyd i rannu caneuon a pharhau â sgyrsiau a gychwynnwyd yn ystod yr ymweliadau wythnosol blaenorol â’r cartrefi gofal.
Daeth y prosiect hwn, a oedd yn pontio’r cenedlaethau, yn sgil prosiect peilot lle symudodd OBA eu hymarferion wythnosol i mewn i gartrefi gofal dros dymor y Nadolig.
Roedd y prosiect nid yn unig yn dangos bod gan gerddoriaeth y pŵer i uno pobl ar draws y cenedlaethau, roedd hefyd yn rhoi i aelodau OBA y cyfle i gyfathrebu a chymdeithasu â thrigolion y cartrefi gofal.
Medd Tim Rhys-Evans “Mae’n hawdd iawn i genedlaethau iau gael eu ‘hamddiffyn’ rhag pobl hŷn wrth i lai o bobl hŷn dderbyn gofal gartref y dyddiau yma. Yn sgil hyn, gall fod gan bobl ifanc gamargraff o bobl mewn cartrefi gofal ac mae’n hawdd iddyn nhw anghofio eu bod hwythau wedi bod yn ifanc slawer dydd, a bod ganddyn nhw brofiadau bywyd gwych, synnwyr digrifwch da, a hanesion lliwgar y maen nhw eisiau eu rhannu. Rydym ni’n gwybod bod treulio amser gyda phobl ifanc yn cael effaith ragorol ar les pobl hŷn ac mae manteision cydganu yn crynhoi holl ddiben Aloud.”
CEFNOGWCH NI
Helpwch i gadw'r gerddoriaeth yn fyw
Cyfrannwch
Drwy gyfrannu heddiw, fe fyddwch yn rhan o stori Aloud, yn ein helpu i roi profiadau cadarnhaol a all newid bywydau i bobl ifanc ledled Cymru.
Ymaelodi â Chynllun Calon
Aelodau Calon sy’n cynnal curiad Elusen Aloud, ac maen nhw’n chwarae rhan allweddol yn ein llwyddiant.
Codi Arian i Ni
P’un a ydych chi eisiau rhedeg marathon neu drefnu eich her elusennol eich hun, gallwch helpu i gefnogi ein gweithgarwch yn eich ardal leol.
