Fforwm Ieuenctid
Mae ein Fforwm Ieuenctid yn rhoi cyfle i aelodau côr i ddweud eu dweud am bob agwedd ar weithgaredd ac yn rhoi llwyfan i rannu eu barn ac awgrymiadau ynghylch datblygiad yr elusen.
Mae Pobl Ifanc wrth wraidd gwneud penderfyniadau yn Elusen Aloud.
Mae ein Fforwm Ieuenctid yn rhoi cyfle i aelodau côr i ddweud eu dweud am bob agwedd ar weithgaredd ac yn rhoi llwyfan i rannu eu barn ac awgrymiadau ynghylch datblygiad yr elusen.
Mae’r Fforwm Ieuenctid yn cynnwys cynrychiolwyr o bob un o’n corau ledled Cymru sy’n cwrdd unwaith bob tymor i drafod y materion sy’n bwysig iddyn nhw.
Roedd gan ein Fforwm Ieuenctid ran weithredol yn natblygiad ein Gweledigaeth, Cenhadaeth, Gwerthoedd ac Amcanion newydd sy’n sail i’n cynllun strategol.
Mae lleisiau pobl ifanc yn llywio’r repertoire rydym yn ei ddysgu mewn ymarferion a lle rydym yn ceisio cyfleoedd i berfformio. Roedd hyn yn cynnwys ein perfformiad fflach dorf fel rhan o ddathliadau cwpan y byd Gŵyl Cymru 2022.
Mae adborth gan y Fforwm Ieuenctid yn llywio penderfyniadau Bwrdd yr Elusen Aloud. Dangoswyd hyn fwyaf diweddar pan lywiodd lleisiau pobl ifanc frandio ein côr wrth fynd ymlaen.
Mae aelodau’r Fforwm Ieuenctid hefyd yn cefnogi’r elusen gyda syniadau a chyflwyno ein cyfryngau cymdeithasol ac ymgyrchoedd codi arian yn ogystal â gweithredu fel llysgenhadon mewn digwyddiadau allweddol megis ein cinio codi arian.
Mae bod yn aelod o’r Fforwm Ieuenctid yn gwella hyder yr aelodau, yn gwella eu sgiliau gwrando a chyfathrebu ac yn rhoi ymdeimlad o falchder yn eu côr i’r bobl ifanc. Mae cyn-aelodau’r Fforwm Ieuenctid wedi mynd ymlaen i ymgymryd â rolau gyda Senedd Ieuenctid Cymru ac fel Maer Ieuenctid Merthyr Tudful.
Uwchgynhadledd Ieuenctid y G7
Yng ngwanwyn 2021, roedd Aelodau Fforwm OBA yn falch o gael cymryd rhan yn Uwchgynhadledd Ieuenctid y G7. Dyma fideo byr isod a gyflwynwyd yn y digwyddiad, sy’n tynnu sylw at y materion byd-eang sydd bwysicaf iddynt.
“Mae Only Boys Aloud wedi newid fy mywyd. Mae wedi rhoi cyfeiriad i mi mewn bywyd, a’r hyder i gredu ynof i fy hun a sylweddoli nad oes dim yn amhosib. Mae yna gyfleoedd i bob math o bobl o bob math o gefndiroedd.”
“Cefais gyfle i fynd i’r brifysgol yng Nghaergrawnt, a’r rheswm y penderfynais i aros yng Nghymru oedd er mwyn i mi allu parhau i ganu gydag Only Boys Aloud!”
“Peidiwch â phetruso. Ymunwch cyn gynted â phosib. Os oes gennych chi ddiddordeb mewn cerddoriaeth neu os ydych chi eisiau dilyn unrhyw yrfa yn y celfyddydau, gwella eich canu yw’r ffordd orau i wneud hynny. Mae’r ffrindiau oes a wnewch yn wych ac fe gewch chi brofiadau unwaith mewn bywyd. Maen nhw’n atgofion y byddwch chi’n eu trysori am byth.”
“Fy uchelgais yn fy arddegau oedd naill ai bod ar y llwyfan neu’r tu ôl i’r llen yn gweithio yn y West End neu’n rhyngwladol. Pe na byddai OBA wedi sbarduno fy hyder a’r awch i gyflawni unrhyw beth, fyddwn i ddim yn beiriannydd sain proffesiynol heddiw.”
CEFNOGWCH NI
Helpwch i gadw'r gerddoriaeth yn fyw
Cyfrannwch
Drwy gyfrannu heddiw, fe fyddwch yn rhan o stori Aloud, yn ein helpu i roi profiadau cadarnhaol a all newid bywydau i bobl ifanc ledled Cymru.
Ymaelodi â Chynllun Calon
Aelodau Calon sy’n cynnal curiad Elusen Aloud, ac maen nhw’n chwarae rhan allweddol yn ein llwyddiant.
Codi Arian i Ni
P’un a ydych chi eisiau rhedeg marathon neu drefnu eich her elusennol eich hun, gallwch helpu i gefnogi ein gweithgarwch yn eich ardal leol.
