ONLY KIDS ALOUD
Cyn-aelodau Only Kids Aloud
Pan ddaw eu hamser yn Only Kids Aloud i ben, gall yr aelodau barhau i fwynhau eu profiad Aloud yn Only Boys Aloud neu Only Girls Aloud.
Byddwch bob amser yn rhan o Aloud!
Mae Elusen Aloud wedi cael y fraint o weithio gyda miloedd o blant dros y blynyddoedd drwy ein rhaglenni Only Kids Aloud, ac mae’n hyfryd pan fydd cyn-gyfranogwyr yn cadw mewn cysylltiad gyda ni, a gyda’i gilydd.
Yn 2020, gwnaethom ddatblygu Cynllun Cyn-aelodau OKA, gan roi’r cyfle i gyn-aelodau gynnal eu cysylltiad ag Aloud a chadw mewn cysylltiad â ffrindiau OKA.
Pan fydd aelodau OKA yn dod yn Gyn-aelodau, byddant yn cael bathodyn pin arbennig i gofio am eu hamser gyda’r côr.
Manteision
Cael gwybod am newyddion, digwyddiadau a pherfformiadau diweddaraf Aloud
Cadw mewn cysylltiad â ffrindiau OKA
Cael eich cynnwys mewn cyfleoedd i gydganu yn y dyfodol
Ydych chi’n Gyn-aelod o OKA?
Ydych chi wedi bod yn aelod o’n Côr Only Kids Aloud, neu’n adnabod rhywun sydd wedi bod? Cysylltwch â ni heddiw i roi gwybod. Byddai’n braf iawn cael cadw mewn cysylltiad â chi, a’ch helpu chithau i gadw mewn cysylltiad ag Elusen Aloud.
Os oes gennych unrhyw gwestiwn ynghylch dod yn Gyn-aelod neu ynghylch y cam nesaf yn eich taith Aloud, gallwch gysylltu â ni drwy [email protected].
“Roedd yn rhaid i mi ysgrifennu i ddiolch i chi i gyd am y profiad rhagorol a gafodd fy merch gyda chi. Mae hi wastad wedi bod wrth ei bodd yn canu ac mae ei hysgol wedi rhoi ychydig o gyfleoedd iddi wneud hyn, ond mae’r hyn a gafodd hi o fod yn rhan o Only Kids Aloud wedi bod ar lefel arall yn gyfan gwbl.”
“Mae’n anodd mynegi’r effaith mae gweithio’n agos gydag arbenigwyr fel chi, sydd â chymaint o angerdd a brwdfrydedd am gerddoriaeth a chanu, wedi’i chael arni. Mae ganddi fwy o hyder a chaiff hyd yn oed mwy o lawenydd o ganu, ac mae’n fwy parod i roi cynnig ar unrhyw beth newydd. Mae hefyd wedi elwa o gwrdd â phlant union fel hithau o bob rhan o Gymru a phrofi mor hudolus yw canu gyda chymaint o rai eraill sy’n dwlu arno gymaint â chi. Mae wedi gwneud cyfeillgarwch y credaf y bydd yn para am byth.”
CEFNOGWCH NI
Helpwch i gadw'r gerddoriaeth yn fyw
Cyfrannwch
Drwy gyfrannu heddiw, fe fyddwch yn rhan o stori Aloud, yn ein helpu i roi profiadau cadarnhaol a all newid bywydau i bobl ifanc ledled Cymru.
Ymaelodi â Chynllun Calon
Aelodau Calon sy’n cynnal curiad Elusen Aloud, ac maen nhw’n chwarae rhan allweddol yn ein llwyddiant.
Codi Arian i Ni
P’un a ydych chi eisiau rhedeg marathon neu drefnu eich her elusennol eich hun, gallwch helpu i gefnogi ein gweithgarwch yn eich ardal leol.
