Gwirfoddoli Gyda Ni
Mae gwirfoddolwyr yn aelodau pwysig o Deulu Aloud ac ni allem wneud popeth a wnawn hebddyn nhw. Dysgwch sut gallwch chi wirfoddoli.
O Ymddiriedolwyr i Arweinyddion Cymunedol, rydym ni’n dibynnu ar ein gwirfoddolwyr hyfryd yn ddyddiol. Fel elusen sy’n cael ei gyrru gan ein cymunedau, mae cymaint o ffyrdd y gallech chwarae eich rhan, o ddosbarthu copïau caneuon i roi help llaw yn ein swyddfeydd! Boed yn eiliadau neu fisoedd, oriau neu ddyddiau, mae’r amser a rowch wir yn gwneud gwahaniaeth.
Oes gennych chi syniad diddorol am sut gallwch chi ein cefnogi? Cysylltwch â ni – rydym ni wrth ein bodd yn clywed eich awgrymiadau.
Codi Arian
Mae codi arian i Elusen Aloud yn cefnogi pob elfen o’n gwaith ac mae’n ffordd hyfryd i wneud gwahaniaeth! Os cewch eich ysbrydoli i wynebu her neu gymryd rhan mewn digwyddiad noddedig, cysylltwch â ni i gael syniadau, cyngor ac awgrymiadau am sut i sicrhau eich bod yn llwyddiannus. Gallwch fynd i’n tudalen Codi Arian i gael mwy o wybodaeth a syniadau.
Ymuno â’n Bwrdd Ymddiriedolwyr
Os oes gennych chi brofiad neu sgiliau gwerthfawr i’w cynnig, fe allech chi chwarae rhan ragorol ar ein Bwrdd Ymddiriedolwyr. Pan fyddwn ni’n recriwtio, bydd gwybodaeth ar gael ar ein tudalen Swyddi Gwag. I gael unrhyw fanylion eraill, cysylltwch â ni.
Arweinyddion Cymunedol
Bob tro rydym ni’n cynnal ymarfer (boed yn 6 neu’n 250 o aelodau yn eu harddegau!) mae arnom angen Arweinyddion Cymunedol. Nhw sy’n dal yr ymarferion lleol at ei gilydd, ac maen nhw’n darparu cymorth hanfodol mewn digwyddiadau ym mhob rhan o’r elusen, yn ogystal â darparu gofal bugeiliol i’n cyfranogwyr. Mae gennym ni dîm hyfryd o Arweinyddion Cymunedol ledled Cymru a gwerthfawrogwn eu holl waith caled yn fawr iawn.
Felly pam gwirfoddoli gydag Elusen Aloud?
Cefnogi eich cymuned leol
Rydym ni’n cynnal ymarferion wythnosol ledled Cymru, mewn clybiau chwaraeon, neuaddau pentref ac eglwysi. Mae ein Harweinyddion Cymunedol yn rhan hanfodol o’n gallu i gynnal sesiynau’n llwyddiannus!
Cwrdd â phobl o gyffelyb fryd
Wrth wirfoddoli gydag Aloud, rydych chi’n dod yn rhan o’r teulu, boed yn cefnogi aelodau yn eu harddegau mewn ymarferion côr wythnosol, yn helpu mewn digwyddiadau neu’n cynghori ein tîm fel rhan o’n Bwrdd Ymddiriedolwyr.
Magu profiad gwerthfawr
Mae gwirfoddoli fel rhan o’n tîm nid yn unig yn rhoi dealltwriaeth o fyd y celfyddydau perfformio a’r byd elusennol, ond gallai hefyd eich helpu i feithrin sgiliau newydd a bydd yn sicr yn rhoi profiadau bywyd ystyrlon a diddorol i chi!
Proffil Gwirfoddolwr - Pat
Darllenwch am brofiad yr Arweinydd Cymunedol Pat Ashman yn gwirfoddoli gyda Aloud
Proffil Gwirfoddolwr - Ade
Darllenwch am brofiad yr Arweinydd Cymunedol Ade Evans yn gwirfoddoli gyda Aloud
Proffil Gwirfoddolwr - Sara
Darllenwch am brofiad yr Arweinydd Cymunedol Sara Jones yn gwirfoddoli gyda Aloud
“Mi gefais fy magu yn y Rhyl ac rwy’n gwybod mai prin yw cyfleoedd fel yma i ddynion ifanc y dref. Mae OBA wedi rhoi rhywbeth rhyfeddol, rhywbeth sydd wedi rhoi diben iddyn nhw a rhywbeth i fod yn falch ynglŷn ag o.”
"Mae bod yn arweinydd cymunedol i OBA dros y cyfnod clo wedi bod yn hwyl ac yn heriol. Rwy wedi gweld eisiau eu gweld nhw wyneb yn wyneb, eu clywed yn canu a’u cael yn tynnu fy nghoes. Mae’r ymarferion ar-lein wedi cynnig rhywfaint o strwythur mawr ei angen i fy wythnos ac mae wedi bod mor werthfawr gallu cael sgwrs gyda’r bechgyn i wneud yn siŵr eu bod nhw’n iawn a chlywed eu hanesion."
“Rwy wedi bod yn Arweinydd Cymunedol am 2 flynedd ond cyn hynny roeddwn i’n rhiant balch. Mae’r profiadau mae’r bechgyn wedi’u cael ac yn dal i’w cael yn wych! Yr uchafbwyntiau yw Britain’s Got Talent 2012, Gŵyl y Coroni ym Mhalas Buckingham 2013, Pen-blwydd Max Boyce yn 70, a llawer mwy. Fe wnes i benderfynu gwirfoddoli fel y gallwn i barhau i gynnig cefnogaeth a bod yn rhan o sefydliad hyfryd. Fy uchafbwynt fel Arweinydd Cymunedol yw cwrdd ag Alfie Boe a chael hunlun!”
