Cydraddoldeb ac Amrywiaeth yn Aloud

Ein Hymrwymiad i Gydraddoldeb ac Amrywiaeth Mae Elusen Aloud wedi ymrwymo i wneud ein gwasanaethau mor hygyrch a chynhwysol â phosibl.

Mae Elusen Aloud wedi ymrwymo i hyrwyddo cydraddoldeb ac amrywiaeth yn ei gweithleoedd ac wrth ddarparu gwasanaethau. Anelwn at feithrin diwylliant sy’n gweld gwerth mewn gwahaniaeth ac sy’n cydnabod y budd y gall profiadau gwahanol a phobl o wahanol gefndiroedd ei gynnig.

Mae’r elusen yn ceisio creu, cynnal a hyrwyddo cymuned lle mae pob person yn cael ei drin yn deg ac yn gyfartal waeth beth fo’i oedran, anabledd, hunaniaeth o ran rhywedd, statws priodasol, beichiogrwydd neu famolaeth, hil, crefydd neu gred, rhyw, cyfeiriadedd rhywiol neu gefndir cymdeithasol-economaidd.

Rydym wedi ymrwymo’n llwyr i gynnal amgylcheddau gwaith cadarnhaol sy’n cefnogi’r naill ochr a’r llall ac sy’n rhydd rhag aflonyddu, gwahaniaethu, bwlio ac erledigaeth, lle gall staff, gweithwyr llawrydd, gwirfoddolwyr a chyfranogwyr gydweithio’n gydweithredol a chynhyrchiol, a lle mae pawb yn cael eu gwerthfawrogi a’u parchu’n gyfartal.

Ein nod yw bod ein gwaith yn adlewyrchu’r cymunedau rydym yn eu gwasanaethu a bod pawb sy’n gweithio gyda ni yn teimlo eu bod yn cael eu parchu, eu gwerthfawrogi a’u cefnogi i ffynnu.

Mae gan Elusen Aloud bolisi dim goddefgarwch mewn unrhyw achos o wahaniaethu o unrhyw fath.

I ddarllen mwy ynglŷn â’n hagweddau tuag at gorau rhyw-benodol neu enwau ein corau, cliciwch ar y ddolen isod i ddarllen ein herthygl ynghylch Ein Hymrwymiad i gynnwys pobl Trawsryweddol.

Datblygwyd y gwaith hwn yn dilyn darn o Ymchwil Ymgysylltiad a Chynhwysiant a gynhaliwyd yn 2021. Gallwch ddarllen crynodeb o sut mae’r canlyniadau ymchwil wedi effeithio ar ein gwaith yma, neu drwy glicio ar y ddolen isod.

Mae Elusen Aloud wedi datblygu Polisi Cydraddoldeb, Amrywiaeth a Chynhwysiant, y gallwch ei ddarllen ar ein Tudalen Polisïau neu drwy ddefnyddio’r botwm isod.