Yn ddiweddar, cawsom y pleser o berfformio ochr yn ochr â Katherine Jenkins ym mhalas hardd Hampton Court yn Llundain. Roedd y daith ar y bws i’r digwyddiad yr un peth â’r arfer – yn llawn sgwrsio, chwerthin ac, wrth gwrs, digon o ganu! Ond y tro yma, cawsom deithio mewn steil! Ar ôl mynd ar y bws, gwelwyd yn o fuan ein bod wedi cael y fraint o deithio ar fws Tîm Cymru, oedd yn cynnwys seddi lledr, Sky+ HD, a chegin fach hyd yn oed! Roedd o’n deimlad mor gyffrous cael perfformio yn y lleoliad eiconig yma. Dyma oedd fy nghyngerdd olaf gyda Only Boys Aloud, felly roedd gen i deimladau cymysg cyn ein perfformiad, ond ar ôl i ni fynd ar y llwyfan, y cyfan yr oeddwn i’n gallu meddwl amdano oedd bod yn gyfan gwbl yn y foment, a mwynhau pob eiliad, yn perfformio o flaen y dorf groesawgar ac, wrth gwrs, gyda Katherine ei hun. Roedd y gynulleidfa’n ymddangos fel pe baen nhw wrth eu bodd â’n perfformiad, wnaeth y profiad yn well fyth. Fel perfformiad olaf, roedd hwn yn bendant yn ddiweddglo arbennig i’m cyfnod gyda Only Boys Aloud.
Brandon, OBA Cwmbrân
