Roedd mis Medi yn fis prysur ar gyfer Aloud, wrth i ni recriwtio ar gyfer Only Boys Aloud!
Bu i’n tîm ymrwymedig o Arweinwyr Côr ddarparu 32 gweithdy mewn ysgolion ledled Cymru, lle cafodd disgyblion flas ar fod yn aelod o Only Boys Aloud!
Fel rhan o’r gweithdai, bu disgyblion yn cymryd rhan mewn ystod o gemau a gweithgareddau, cyn dysgu cân mewn harmoni dwy neu dair rhan. Roedd ein Harweinwyr Côr, sy’n gyn aelodau’r côr, wrth law er mwyn ateb cwestiynau disgyblion ynglŷn â sut beth yw bod yn aelod o gôr Only Boys Aloud. Bu i ni hefyd rannu ffilm o rai o’r cyfleoedd perfformio unigryw y derbyniodd ein haelodau, er mwyn rhoi ysbrydoliaeth i’r disgyblion!
Diolch i Only Boys Aloud am y gweithdy recriwtio! Roedd y bechgyn wedi mwynhau yn fawr
Yn dilyn y gweithdai hyn, braf iawn yw gallu cyhoeddi bod ein haelodaeth Only Boys Aloud wedi cynyddu 30% yn y mis diwethaf yn unig!
Dyma oedd y tro cyntaf ers y pandemig Covid-19 i ni allu cynnal amserlen lawn o sesiynau recriwtio mewn ysgolion, a phleser mawr oedd cael cyfarfod disgyblion ledled Cymru, a gweld pa mor frwdfrydig yr oeddent wrth gymryd rhan! Cafodd y pandemig Covid-19 ystod o effeithiau negatif ar lesiant pobl ifanc, a oedd yn isel eu hyder ac yn brin o gyfleoedd cymdeithasu yn ystod y cyfnodau ynysu. Gyda mwy a mwy o ymchwil yn amlygu buddion canu mewn côr, bydd bod yn rhan o Only Boys Aloud yn cynnig llawer mwy na chân yn unig i’n haelodau newydd.
“Thank you so much to Only Boys Aloud for delivery an amazing workshop with our pupils. All of the boys involved were amazing and even sang in 3-part harmony!” Ysgol St John’s
“Diolch yn fawr i Aled Evans am gynnal gweithdy GWYCH efo’n bechgyn CA3” Ysgol Maes Garmon
Braf iawn oedd croesawu ein haelodau newydd i’n hymarferion côr wythnosol ledled Cymru, ac edrychwn ymlaen at gynnal mwy o sesiynau recriwtio ac at ddatblygu ar lwyddiannau’r mis diwethaf.
Mae gennym ystod eang o gyfleoedd perfformio cyffrous ar y gweill ar gyfer ein haelodau côr, ac rydym wastad yn croesawu aelodau newydd i’n grwpiau.
Darganfyddwch eich côr Only Boys Aloud lleol, a sut i ymuno, yma.
