Nôl ym mis Medi 2016, mynychodd 7 aelod o Only Boys Aloud benwythnos cyfansoddi caneuon yn Stiwdio Rockfield, Trefynwy. Mae’r stiwdio recordio yn fyd enwog a chyfansoddodd artistiaid megis Coldplay, Oasis a Queen eu caneuon yma! Cafodd y sesiynau eu harwain gan ein Cyfarwyddwr Celfyddydol Tim Rhys-Evans a’r cyfansoddwr James Clarke o Ty Cerdd. Cyfansoddodd y bechgyn tair cân wych a dewiswyd un ohonynt ‘Changes’ i ymddangos yn ymgyrch newydd Ynni Clyfar Prydain. Recordiwyd y gân yn broffesiynol a pherfformiwyd hi gan weithwyr o gwmnïau ynni ar draws Prydain megis E-ON a British Gas a chawsant eu dysgu gan Tim, Niall a Craig – 3 o’n Capteiniaid Tîm. Llongyfarchiadau mawr i’r bechgyn am gyfansoddi cân mor wych ac mae’n gyffrous iawn i’w weld ar draws gwefannau cymdeithasol a’i chlywed ar orsafoedd radio ar draws y wlad!!
Gwrandewch ar y gân: https://youtu.be/A1_G6pWq6q0
